Extra! Extra!… ENGUERAMOS!

Ya somos plegadas!

Hue principiamos iste Bloch, que ye un prochecto de segundo Ran de Aragonés, pero que asperamos que vaiga más dillá.

Querebanos ofrecer atra fuent d’informazión cheneral…por ixo bi habrá diversas sezions prebando d’ acontentar a totz.

Por ixemplo, charraremos de lo que pasa (más que más) en a ziudat de Zaragoza.

Cuantismas vegadas hetz ascuitau ixo de que aquí no se fa cosa?

Ixo de que aquí no bi ha garra cosa intresant… porque ye platero que bi’n ha! Bi’n ha un fascal… y bellas cosetas son de baldes. Porque no tot ye o Chuepintxo o Pintxueves, o como queratz clamar-lo.

Asinas que prebaremos d’informar-tos con notizias culturals… aperturas de nuevas botigas… bars o puestos polius ta minchar… mercadetz e iniciativas d‘ista mena.

Tamién queremos estar a la tisba de lo que dicen y lo que fan os machirulos y denunciar-lo en nuestro Observatorio Masclista y redir-nos d’as fatezas que fan, porque a risa ye un arma muito poderosa.

Bi habrá tamién una sección sexual… O Sexuario… caldrá meter dos rombos royos? Prou que no! Cal charrar-ne sin medrana.

Nos fa goy o sinyal de l’Arco de San Chuan… asinas que o conteniu LGBT será tamién present, prou que sí!

Y a mosica? Tamién, tamién, no tos ne faigatz! Meteremos mosica que nos cuaque…nuevas collas, festivals… u lo que pertoque.

Cuasi se nos ixublida… ya que charramos, escribimos y vivimos en Aragonés, tot lo que tienga que veyer con a nuestra luenga y a nuestra cultura tendrá o suyo espacio.

Asperamos que tos faiga goy iste chicorrón prochecto que nos fa muitisma ilusión.

PRENCIPIAMOS!

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s