¿Feminismo?

Buena tardi querius/das lectors y lectoras!
Hue en “Con Atros Uellos” imos a charrar d’un tema que ye o zaguer chilo en a nuestra sociedat: O Feminismo.

Podetz pensar que ixo ya ye bien conoixiu por totz y todas, que ya se charra prou d’iste tema polemico en a-saber-lo d’articlos y ya ye masiau mallato… pero confitar en yo, ahiere tenié una experiencia que m’ha feito reaccionar pa escribir qualques parolas.

Ahiere de nueitz yera l’aniversario d’un conoixiu, asinas que con a enchaquia faciemos una queimada galega y zorrupiamos a trompicuesco de bieras, dica que no en quedaba denguna.

Quan totz ya yeranos charrando en confitanza, rematemos en os tipicos temas, d’os que a vegadas ye millor no charrar-ne. Politica, historia… mesmo feminismo.

Un d’os mesaches teneba claro que o feminismo ye una corrient que afinca as mullers por dencima d’os hombres, que por l’orichen etimolochico d’ista parola no queda garra dubda de que ye en favor d’as mullers deixando por tierra os intreses, a valgua, mesmo os dreitos, d’os hombres.

Quan ascuitas istas ideyas qualsiquier te fería venir a plego de que no, que o feminismo no ye ixo, que puet estar que tienga ixe concepto erroneo de belúns u belunas que charran u actúan en nombre d’o feminismo, pero que no yeran rispetando as ideyas implicitas en iste movimiento social.

Bueno, encara que totz y todas le explicamos a iste mesache lo que sabebanos d’o Feminismo, ell continaba terne que terne… Y yo me preguntaba… Cómo puet estar que con a buena cosa de saputos y saputas que charran diya par d’atro d’o feminismo en os retz socials encara i hese chent que desconoixe lo que realment significa???

Plegadas en iste punto mi amiga me dició… (con heroicismo)
Barrenada, no te’n faigas. Cuento que iste mesache no ha leyiu brenca d’o que ye o feminismo en a suya vida, no tien garra ideya.
Pero piensa, que a chent cambea mas por as experiencias que tienen con personas en nueitz como no ista, que por lo que puedan leyer en un libro, u siga que dimpués d’ista rufierta, iste mesache va a arribar en casa suya y a primer fayena que ferá será mirar en internet qué ye ixa cosa rariza d’o feminismo.
Por ixo, A TODAS Y A TOTZ, hombres y mullers, u lo que sigatz, tos animo a charrar con tot o mundo d’o que ye iste movimiento tant tergiversau por ells y ellas.
Dentre totz podemos fer a diferencia y fer que chent como iste mesache cambee a suya traza de pensar y siga mas culto!

SÍ S LA CULTURA Y LA EQUIDAT!!!
O masclismo ye una lacra, o feminismo una ideolochía.

https://an.wikipedia.org/wiki/Feminismo

Por a Barrenada d’as bieras y d’a vida.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

w

Conectando a %s