CHARRANDO CON SILVIA CEBOLLA

Buen diya queritos lectors! Engueramos a la fin a sección d’entrevistas con Silvia Cebolla, estiemos en o suyo bar y nos charró un poquet d’ella y os suyos prochectos.

Asperamos que tos faiga goyo de leyer-lo, tanto como a nusatros nos en ha feito fer-lo.

  • ¿Cómo comencipió iste prochecto d’A Flama?
  • A Flama prencipió en 2010 e iste mayo feremos 6 anyadas. Prencipió como un prochecto… una mica social; ye una tabierna porque bueno, en primeras, ta par d’alavez en ixas envueltas muita chent como nusatros yera en l’ature, belunos porque les heban forachitau d’o treballo, yo yera rematando a Carrera de Dreito y veyeba que no teneba gran salida. Alavez, decidimos montar una tabierna, que siempre ye un puesto que ye más fácil de sacar diners, de levar y ixo.

Prencipiemos con una modalidad de estar una cooperativa, en la que estás varios socios treballadors, alavez, nusatros cotizamos en a Segurida Social en o rechimen cheneral. A filosofía ye d’estar una cooperativa y dimpués de fer cosas socials. Por eixemplo femos mesmo exposicions, charradas, deixamos fer a colectivos vermuts ta que se saquen diners, y ixa mena de cosas. Tamíen ye una tabierna vechetariana…

  • Ixo tamién querebanos preguntar-te, dende fa unos anyos sí que se veyen más bars y restaurants de birolla vechetariana y vegana, pero antis en yera más rarizo.
  • Si, cuan prencipiemos, no bi’n heba guaires y también nos dicioron, cuan presentemos iste prochecto, porque nusatros somos parte de Cop57, que yera un prochecto con una mica de risque; porque fer un mezclayo entre l’aragonés y o vechetarianismo yeran dos seccions muit sectorializadas. Pero nusatros diciemos que querebanos ir enta debán y ixo faciemos.
  • ¿Tenebatz bella experiencia en ista mena de puestos?
  • No, garra d’os socios tenebanos experiencia. Pues tenebanos nuestra carrera y tal, pero no hebanos treballau en bars y en primeras ye duro, porque pareixe que en un bar puede treballar cualsiquiera; pero bueno, montar un negocio y ser cambrero pues, como tot, tiene as suyas cosas que cal aprender.

Lo hemos montado de bella traza que podamos compachinar as nuestras darias con a nuestra vida personal y atros prochectos que tenemos. Porque querebanos un treballo que nos aportase una calidat de vida, encara que no cobremos tanto miramos más de tener vida; y isto sí que ye un esfuerzo porque cal fer-se-ie ta sacar isto enta debán pero como nos fa goyo treballamos tot lo que podemos y dimpués cadagún tien as suyas aficions y tal.

  • Bella vegada se fa astí tamién clases d’euskera, d’aragonés y exposicions d’arte, no?
  • Si, bellas vegadas femos clases y tamién hemos teníu o “charringlish” que le decibanos, que yeran d’anglés que veniban a charrar. Todas las actividatz que nos proposan y que veyemos que son culturals y que pueden fer honra as luengas, u a las cosetas que nos fan goyo, pues las femos.
  • Y l’aragonés tiene importancia en iste puesto.
  • Hombre, prou que sí. Nusatros, totz los que somos socios, charramos en aragonés. Tenemos a carta en aragonés y o local ye decorau con parolas en aragonés, antimás bi ha posibilidat de atender en aragonés y de charrar con a chent que viene d’os cursos que son aquí a o canto, pues a charrar un ratet, a fer-se una biera… y asinas charran entre els o charran con tú… ye un punto de trobada.
  • Bueno y, antimás de tot isto, yes treballando un canal de YouTube. O primer canal de raso en aragonés que se ditz “A Escuchetes”
  • Ixo ye y uno de vusatros dos, Chipster Birabolón en concreto, ye a persona que treballa con yo en o canal. Isto prencipió como un prochecto con os alumnos, y dicié de fer un canal de youtube; aprofeitando que se estilaban muito, y por qué no fer unatro en aragonés de consellos utils, de recetas, que en iste caso las femos veganas (sin garra orichen animal) y los femos en casa mia; y o 31 de marzo feremos una anyada, que asperamos fer una actividat especial.

Ya tenemos unos 20 vídeos puyaos, 500 suscriptors (“ixo ye important, cal suscribir-se”),  y asperamos plegar en t’os mil; no sabemos cuan pero bueno.

Isto ye una cosa que empecipiamos asinas sin pensar pero que ha estau muito important porque han feito que lo veiga muita chent que no sabe aragonés. Conoixco muita chent de esferents ambients y les ne digo, y lo veyen y en FB me sigue muita chent. Que en primeras me seguiba chent que conoixeba, pero agora me sigue chent que yo no conoixco brenca. Y nuestro obchetivo ye plegar a más chent, más que más plegar to pirineo ta que la chent lo veyese, encara que no sabemos cómo lo podemos fer pero de bella traza lo feremos.

  • Tiens bell atro prochecto en mente?
  • Bueno, con A Escuchetes tenemos más cosetas. Y sí, yo tengo más prochectos a raíz d’o canal, más prochectos con vídeos, más escritos… y, prou que sí, continar; continar ta refirmar l’aragonés. Porque cal fer cosetas, porque se fan 20 y alafin una sí que fa goyo a la chent y ye aceptada.
  • Pues muitismas gracias por acompanyarnos, Silvia.
11146665_966215410077988_2416530666276595561_o
Foto: Carlos Bra

.Borinera Fura i Chipster Birabolón.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

w

Conectando a %s