Parti 1

He aprofeitau ista Setmansa Santa ta viachar a uno d’os puestos que mas goyo me fan y a on soi como en casa mia, Euskadi, más que más a provincia de Bizakaia y a ciudat de Bilbo/Bilbao/Bilbau.

Iste articlo no charra solo de lo que feito en iste viache, sino que ye un conchunto de totas as cosas que he visto y he espleitau quan i soi estadu.

Dende Zaragoza s’emplegan 4 horas en bus (en un auto, en son 3) ta plegar a Bilbau, pero tamién puedes fer servir o tren,pero yo por un regular emplego o bus porque no me fa mica goy conducir y o tren ye un poco más caro.

Dimpués de fer una aturada en Vitoria/Gasteiz plegamos a Bilbau por a nueva dentrada por San Mamés y rematamos en a Termibús, a gara de bus d’a ciudat, una gara que habia de estar provisional, pero que leva asinas 20 anyadas, agora pareixe (bien se vale) que van a fer una nueva gara, que será más pincha y más digna. Por un costau ista ye a parte mala, que ye viella,fozina y desorganizada, pero por atro costau ye amanada a o centro y ye muito bien comunicada por tranvia, metro, trens de redolada y bus que i plegan y que comunican a gara con a ciudat.

Nomás plegar a la ciudat ya se pueden veyer cosas importants, como o Hespital de Basurto, un hespital publico,un conchunto de 15 edificios, enguerau en 1908 y feito de traza modernista. A o canto ye a Catedral y no,no ye una ilesia, ye a nuevo estadio de San Mamés, rematau en 2013 y que tien a maxima categoria d’ UEFA.

Quan sigamos prestos, dimpues de deixar o equipache en o hotel, en casa d’amigos o a on siga, ya podemos prencipiar o paseyo por a ciudat.Prencipiaremos por o tipico y china chana veyeremos tamién atras cosetas.

Por un costau tenemos o Casco Viello… o como ells dicen “Lo viejo” o ” Las 7 Calles” o Zazpi Kaleak en euskera, a parti mas viella d’a ciudat y o suyo orichen (estió fondata en 1300 por D.Diego López de Haro) Si se diz a ista zona “as 7 carreras” ye porque estioron istas 7 carreras as primeras que se facioron en a redolada d’a Seo de Santiago y son: Somera, Artecalle, Tendería, Belosticalle, Carnicería Vieja, Barrencalle y Barrencalle Barrena. Encara que son o nuclio, agora o Casco ye una mica mas grán.

casco viejo bilbao

En ista zona trobamos a Seo de Santiago, de traza gotica, a espeutacular biblioteca de Bidebarrieta, de traza eclectica,o Mercau d’a Ribera, racionalista y que fa bellas anyadas lo esbiellaron, amán d’o mercau ye a Ilesia y o puen de San Antón, goticos y o emblema d’a ciudat, que se puede veyer en o escudo d’as chambretas d’o Athletic.

catedral bilbao

san anton bilbao buena

Pero a zona que más goyo me fa ye a zona d’o Arenal y a suya redolada, o Arenal se diz asinas porque yera una zona de arena a on estioron os primeros astilleros y dimpués se fació servir como zona de paseyo por os vecins de un casco viello a rebutir, antis de que se faciera o Ensanche. Aqui trobamos uno d’os teyatros más polius d’Europa (seguntes a mia opinión) que se diz Teyatro Arriaga (Arriaga Antzokia) de traza Neobarroca y enguerau en 1890, imachen d’a pitera economica d’a burguesia. A o canto trobamos A Plaza Nueva (Plaza Barria) que estió un primer intento de cambear a vida en a ciudat, quan o casco viello yera una zona estreita, incomoda y fozina con un nuevo espacio amplo, higienico,poliu,comodo y funcional. Ye de traza Neoclasica y aqui se troba Euskaltzaindia, o seo d’a Academia d’o euskera.

arriaga

 

plaza nueva bilbao

 

O Casco Viello se comunica con a resta d’a ciudat con 4 puents que son: San Antón, La Ribera, La Merced y el Arenal y por a suya muga, amán d’a ria, circula o tranvia.

No cal decir que ye una d’as principal zonas de poteo (tapeo) pero tamién de borina, con bars ta totz os gustos, dende bars rockeros, heavys, bars que meten mosica vasca, bars con mosica comercial y tamién bell bar d’ambient gay.

Cada mes d’ Agosto, en Aste Nagusia, o Arenal y a Ribera tremolan con a borina que dan as txosnas mientres suena Marijaia Dator

O punto de trobada en a zona ye a boca de metro de Casco Vielo en a Plaza Unamuno.

plza unamuno

Continaremos informando

Chipster Birabolon

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s