Més fura que nunca.

Hue tos escribo muit carranyada y con a-saber-lo d’incortadura. Y ye que levo un fascal de meses gritando y preguntando d’un costao a unatro; perque con isto d’o chuego que por un regular se levan con l’educación aprofeitan ta mariar-nos. Tos fico en situación ta que podatz carranyar-tos con yo.

Fa bells meses metioron una publicación d’o BOA decindo, como cada anyo, os accesos d’a Formación Profesional; con a novedat d’o acceso dende un Grau Meyo a Grau Superior sin desamen ni cosa, qué sorpresa!

Pero como gosa de decir-se… qué poco dura o goyo en casa d’o pobra. Fa poquet publicoron unatro BOA decindo tot lo contrario. Asinas que caleba gritar a belún ta defer iste embolique. Agora, somos alto u baixo a 2 meses d’o desamen d’acceso y encara no sabeba guaire.

Grito a Educación, Cultura y Esporte que, se suposa, habrían de saber-lo millor que no yo. Y solament ye capaz de decir-me “No sé per qué t’ha feito dándalos bell cosa, ye platero que no bi ha que fer o desamen si no quiers”, a lo que mi capeza piensa…”yes mielsuda o fata?! Bi ha dos BOA’s esferents decindo tot lo contrario HIBO!”.  Asinas que Educación a la guenya.

Prebo de gritar a una amiga de yo que ye mayestra d’una academia d’isto, y me ditz que creye que cal fer-lo, encara que preguntará a la suya chefa (isto no me ditz cosa més d’o que yo sabeba). Unatra opción, prebo de gritar a o mio instituto d’o vico d’as Fuents que ye a on tiengo confitanza; y l’unico que pueden decirme-ne ye lo mesmo; puet estar que no calese fer o desamen, encara que no s’ha publicado os metodos d’admision de dengún y podese estar que no estiese rentable no fer-lo.

Tercena opción… grito a l’instituto a on facié o zaguer grau meyo. Dicen lo mesmo que l’atro…

Asinas que… qué me queda per fer? Foterme y fer o desamen sisquiá cambiasen de pareixer. Tot isto acayece perque os “peixes gordos” han decidiu chugar con a democracia de guenya que gubierna iste pais de panderillo. Que levan tota a vida prenendo as leis d’educación per donde les pareixe, fotiendo-nos a nusatros, os d’a carrera.

Levan un fascal de meses ta meter-se els d’alcuerdo y gubernar d’una vegada. Pero con tot y con ixo prefieren fer servir as eleccions y as votacions ta limpiarse o cul y comportar-se como ninons entre els. Mientres nos entretienen con fatezas, amagando a problematica de verdat.

Hue soi muit carranyada quiestos lectors. Hue tos convido a salir a las carreras y clamar, clamar en alto que deixen de redir-se de nusatros d’una vegada alafin!!

 

.Borinera Fura.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s