Viache a Bizkaia. Parti 2

Parti 2

Si l’atro diya estiemos más que más en la parte viella d’a villa, hue blincamos a ría, ta vesitar l’atra ribera.

Dica os anyos 70′ d’o sieglo XIX bilbau continaba estando una villa chicorrona trancada dentro d’o casco viello, pero en istos anyos ya se prencipió a construyir a gran enampladura d’a villa, o Ensanche. A ideya yera ya viella, pero no se prencipió o prochecto dica 1876 y con isto ya se blincaba a la fin la ria y a villa s’anesionaba l’anteilesia d’Abando.. o dreitament, Abando, tradicional rival de Bilbau. y asinas se respondeba a la demanda de sulero por a población que no aturaba de creixer. Iste prochecto d’ensanche estió feito por Severino de Achúcaro y os inchenieros Pablo de Alzola y Ernesto de Hoffmeyer y teneba una amplaria de 150 ha.

ensanche de bilbao

O plan d’o ensanche remera una mica a o plan de Cerdá t’o ensanche de Barcelona, con una traza regular, tenendo como alazet una avenida prencipal y con as cantonadas d’os edificios fendo chaflán. A avenida prencipal ye a Gran Via de Don Diego López de Haro, encara que bi’n ha atras importants como pueden estar Henao, Ercilla, Recalde, Elcano, Rodriguez Arias o Alameda Urquijo y o centro neuralgico ye a plaza de Federico Moyúa, una d’as tres que fan o exe prencipal d’o ensanche que ye a Gran Via y que son Moyúa, Plaza d’o Sagrado Corazón y Plaza Circular.

Ista zona estió y ye una d’as mas caras, elitistas pero tamién una d’as mas monumentals, ya que aqui ye a on a burguesía enrequita con o comercio naval y os astillers y os comerciants y banqueros mas importants, metioron as suyas residencias y comercios mas importants asinas como tamién os bancos principals y totz quereban destacar y fer-se veyer en a zona mas important d’a villa y construyeron edificios muito pinchos que fan d’ista zona una d’as mas intresants. Muitos los hemos perdius por as especulación pero encara en quedan prous, como puede estar a seo d’a Diputación Foral,enguerau en 1900 en plena Gran Via, feito en traza eclactica, con cantal y pizarra y con aire afrancesado y machestuosos,con o tellau con mansardas. Ye obra d’o arquietecto zaragozano Luis Aladrén.

diputacion bilbao

Tamién en tenemos en a plaza Moyúa atros dos, como son o Hotel Carlton y o Palacio de Chávarri. O hotel Carlton, de Manuel María Smith, se remató en 1926 feito en traza Segundo Imperio, atra vegada en cantal y tellaus de pizarra,en costera con mansardas. Baixo o porche que se fa servir en a primera planta como mirallo, se troba o bunker a on estió y se pretechió o Gobierno Vasco en a Guerra Civil. O palacio de Chávarri, debant d’o hotel Carlton, feito en 1888 por Atanasio de Anduiza, seguntes prochecto d’o arquitecto bega Paul Hankar, ye de traza neoflamenca, continando con a moda d’ixas envultas como yeran os “revivals” de estilos viellos.Se fació para Victor Chávarri y suyo chirmán Benigmo. En os anyos 40′ d’o sieglo XX iste palacio se fació servir como seo d’o Gobierno Civil de Bizkaia.

Atros eixemplos itresants en a redolada pueden estar as Casas de Ramón de la Sota, un conchunto de casas pensadas como residencias burguesas feitas en traza rechionalista vasca por Manuel María Smith, prochectada en 1919,chunto a atros bloques de viviendas amán d’o Parque de Doña Casilda de Iturrizar

Sotacasas parque

Antis de que se faciera a urbanización d’ista zona y de Indautxu, por astí, bi heban muitos chaletz burgueses y hue solament en tenemos dos. Uno d’istos chaletz ye hue parti d’un hotel y l’atro ye Casa Arróspide, feita en 1910 por o arquitecto cantabro Lonardo Rucabado y ye de traza neo montañesa. Estió a residencia familiar d’os Arrospide y dimpués s’ha feito servir como seo d’o rectorado d’Universidad d’o Pais Vasco.

Como ya sabetz,o estilo que más goyo me fa, ye o modernismo y d’ista traza solament trobamos una casa en o ensanche de Bilbau y ye Casa Montero, feita en 1902 por Luis Aladrén y Jean Batiste Darroquy. Muitos la conixen como Casa Gaudí porque remera una mica a las obras de Gaudí en Paseyo de Gracia en Barcelona, pero no ye de Gaudí. Fa servir cantal,ladriello, fierro de fundición y fusta y as dos suyas fronteras y o chaflan, s’organizan gracias a dos exes de mirallos. En o edifico manda a ringlera marrada y tiene a-saber-lo d’acotracio.

modernismo bilbao.jpg

Continaremos con o viache!

Chipster Birabolón

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s