XXIII Chornadas d’as luengas d’Aragón

Ayere rematoron as XXIII Chornadas d’as luengas d’Aragón con a mesa redonda sobre Os cudiaus aintro d’o mundo de l’aragonés.

O 4 d’abril precipioron con as chornadas, organizadas per l’Asociación Cultural Nogara – Religada como totz os anyos. Ista edición cal decir que yera més important per os suyos 25 anyos de treballo por l’aragones. A on hemos puesto veyer bells actos, charlas, celebracions… y enca quedan més.

Han estadas unas chornadas prou intresants, a on hetz puesto veyer charradas muit importants como la “Transmisión familiar de l’aragonés en arias de parla castellana”. Sobrebuen enguero d’as Chornadas que se facioron en o Joaquín Roncal (encluso o personal de recepción atendió en aragonés en bells intes) con Juan Pablo Martínez y Adrián Lagraba como invitaus ta charrar, con a cambra a boticiegas d’asistents.

Tras iste enguero que deixaba o listón prou altero, tenebanos atras cosetas como l’exposición “Felqueral: a naturaleza d’o Sobrarbe en imachens” dimpués d’a charrada de Chabier Lozano (o suyo autor) con un belsetán muit fluyiu que aduya, prou que sí, a conoixer un poquet més as esferents trazas d’o aragonés.

Aprofeito ta decir que l’exposición enca ye en A Flama present uns diyas més, asinas que no tos ne faigatz y pasar-tos a viyer-la.

Antimás de tot isto como enguero, no aturaron as actividatz. Podebanos veyer charlas como “Os chopos capeceros. Un patrimonio menazau”, “Editorials en aragonés: Transiberiano y Xordica” y, como rematanza d’a semana, o viernes “La ronda de Boltanya: 25 anyos rondando”.

Ta rematar o cabo de semana, o sabado en La Via Lactea estió o Concierto “Llibres. Batalles, Cançons” con Xavi Sarrià y Feliu Ventura. Caleba celebrar ixe recullimiento d’a tanta chent que estió. Y o dominche podebanos ir ta l’Alchafería a vesitar-la con a companyera Ana charrando-nos en aragonés.

Yeranos ya a luns, y con un humor muit caracteristico d’a Hora Charrante presentoron entre risetas os 10 anyos de Tierra de Barrenaus; a on nos contó as suyas andaduras dende que empecipió fa tanto tiempo. Con ilusión nos amostró bells consellos, esperanzas, y prou que sí pokemons, que nos aduyaron a continar.

Y per rematanza tenebanos ayere, como ya he dito, a mesa redonda sobre Os cudiaus aintro d’o mundo de l’aragonés. A on charremos cosetas como as trazas de correchir-nos entre nusatras, ya que muitas vegadas no paramos cuenta, y a problematica d’as mullers y l’aragones. Enca que por yo habría de haber feito una charla-debate muit més enfilada u con unos obchetivos més plateros, estió prou intresant ta sacar en claro bells ideyas sobre més charlas.

Agora, ya ye prou as actividatz de Nogara?! NO!

Ista semana somos metiendo-nos en forma ta o III Cross “A tor estruss” iste sábado 16 en o Parque Bruil. A on podremos chugar y practicar a nuestra orientación en primerías sobre as 11h d’o maitín con un chicorrón cross infantil y chusto antis d’a 3k bi habrá un calentamiento d’a mano de yo mesma, ta que evitemos malotías, lesions y cosetas varias.

3 kilometros se fan en un inte, y enca que no haigatz feito esporte u no estietz en forma tos invitamos a pasar-tos per astí a celebrar, correr, pasar un buen ratet en cheneral. Y dimpués caldrá vermutear ta reposar enerchías.

Y o diya gran de Nogará será o diya 23 d’abril con o Día del Libro Disidente: Vermú literario, en Treziclo chunto a Biblioteca Frida Kahlo, a on se ferá a Presentación cuentacuentos de “Prou prou luen”, cuentos en aragonés de educación ambiental.

Y de nueits… Conciertaco de Ronda de Boltaña, Comando cucaracha y Prau! En o CC Delicias. Bien se vale que ya tiengo a mia dentrada, perque se son rematando per intes! Cal que las pilletz cuanto antis!!

Como rematanza d’isto, soi mui contenta de pertenecer a ista mena de cosas, y saber que toda ista chent comparte con yo a lo menos una gran afición y sentiment, que ye l’aragonés.

 

Nos veyemos en os bars

.Borinera Fura.

.1914651_10206389293830793_3793188025187771645_n12112509_10206583809973575_3646963643295933189_n

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s