Stop LGBTFOBIA

STOP LGBTFOBIA

Credeba que yeranos plagau a un inte que deixaba ser optimista con a situación d’o coleutibo LGBT.

O recurso contra o dreito d’o casorio igualitario heba perdiu a baralla y a sociedá no pareixeba que con isto heba plegau a o suyo fin, al contrario, pareixeba que a sociedá se i heba feito, como caleba, y cada vegada se veyeban mas parellas LGBT por as carreras, que no se amagaban (faltaría mas) y que se deixaban veyer difuera d’os cerclos gay friendly o difuera de bars d’ambient, mesmo por o centro d’as ciudatz.

Yo vivo en Zaragoza e isto lo soi veyendo cada diya más y me plena d’arguello (y satisfaccion xD ) porque somos charrando de Zaragoza, una ciudat que dica fa poco tiempo teneba una traza de pensar, una metalidad viella, podemos dizir que yera una ciudat de dreitas, pero que s’ha tornau muito mas ubierta y tolerant e ixo que no ye uno d’os puestos tipicos LGBT friendly como puede estar Madrid, Barcelona, Ibiza, o Sur u Canarias.

Con tot y con ixo, cal encara treballar muito por isto, porque a yo mesmo me ha pasau que estando con un mesache en un banco, fendo-me morisquetas o pochons con el, o por a carrera, me han chilau “MARICON” bellas vegadas…isto me ha feito fer buyir a sangre, pero sabetz que? que feré lo que me pete con chi me pete y continaré fendo-me pochons por a carrea, porque no tiengo guaire medrana, porque si en tenese..o en tenesemos…ells ganan e ixo no puede estar dimpués de tantos anyos.

Bellas personas me han dito que ellas no son homofobas pero que talmén no debería de fer-lo vistero, por o bien de yo…SINCUSA?? que tos faigan burro falso, no lo dicen por o vuestro bien, isto tamién ye HOMOFOBIA.

Me heba feito alufras que con tot y con ixo a situación milloraria, pero agora ya no soi guaire seguro, porque en zaguerías, cada vez que leigo webs de info LGBT, charran de una zaguer ataque homofobo, más que más en Madrid, encara que se’n fan por tot o Estau, pero se suposa que Madrid ye una ciudat ubierta y capital gay d’o Estau, pero os datos que leigo me trestucan.

No levamos mi 5 meses d’o nuevo anyo y ya s’han feito 62 agresions, no solo verbals, si no tamién fisicas, beluna muit grave e istas son sólo as agresions pinyoradas, porque de seguras que en son más.

O Concello de Madrid ya ha aprobau nuevas midas para luitar contra as agresions homofobas y contra delitos d’odio, pero creigo que va a estar una dura baralla y antimás o meyos de comunicación fueras d’os meyos LGBT  no aduyan cosa y no dicen cosa d’ista mena de violencia, pero aqui somos nustras!

Chipster Birabolón

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s