NORMALIZANDO A BISEXUALIDAD

bisexualidad

Bisexual. “Dito d’una presona: que mantiene relaciones tanto homosexuales como heterosexuales.”

Prencipiando con ista bomba de relochería que se ditz “definición d’a RAE”, me fería goi de charrar-tos hue. Y ye que levo a-saber-lo de diyas terne que terne con iste tema en a mia capeza. D’a mesma traza que bella vegada he leyiu per as retes… pa yo, una polida y buena definicion d’o termino bisexual estaría “capacidá de sentir atraución emocional, sexual, romantica y/o fisica per presonas de més d’un chenero y/o sexo no amenistablemente d’a mesma traza ni con a mesma intensidá ni en o mesmo inte”.

Soi farta d’a chent que critica u simplament ditz “con ixa buena intención d’opinar”, que te’n vienen demandando esplanicaciones pa replecar a bisexualidad. Yo no soi un libro a on podetz buscar datos y que tos resuelva os vuestros dandalos. Bi ha bibliotecas, información, retes socials, internet… bi ha muiiiitas trazas de que t’eduques a tú mesmo como femos a resta de presonas. Ya ye prou. Dimpués, cuan ya sigas informado, te’n vienes y charramos d’o que t’agane.

De seguras que totz tenetz ixa colla de chent que encara piensa que somos chent “de paso” d’o mundo hetero a o mundo homo. Que cuan ditz “mesaches, soi bi” bi ha beluno que preta a redir-se y no te ye tomando en serio, creyendo-se a persona que més conoixe decindo-te que os bisexuales somos moda agora, que ixo no ye guaire bueno, que somos muit “viciosos” y queremos tot, prou que sí; yo mesma plegó un inte que al debantar-me d’o leito me dicié a yo mesma que caleba prebar de ser un poquet més viciosa y derapiconté prencipioron a fer-me goi as mesachas tamién…..!!! (Ironía mui fuerte)

Simplament quereba escribir bella opinión de yo d’iste tema, perque cada vegada veigo més y més chent que ditz ista sarta de fatezas, y me bulle a sangre…!!

No m’agana d’estender-me masiau, ni ser muit cansa, asinas que per rematar, me fería goi fer bella cosa pa visibilizar a bisexualidad en as carreras y, prou que si, cal que lo faiga en aragonés. Encara que bi ha que cocinar-lo bien encara.

Si tos agana, tos pareixe una ideya de bitibomba y queretz aduyar-me  u se tos ocurre bella cosa… solament tenetz que escribir-me.

 

Mersi unatra vegada més per leyer as mias rabietas.

 

Més fura que nunca. Borinera Fura.keep-calm-because-ic2b4m-bisexual

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

w

Conectando a %s