Zaragoza esliye diversidat?

homofobia

Reyalment Zaragoza esliye diversidat? Ye Zaragoza gayfriendly, ubierta y tolerant u encara os repuis d’o Franquismo que facioron d’ista ziudá a suya capital espritual y os coleutivos d’a dreita mas fosca y rancia y os faixistas continan fendo servir o suyo poder? Yo creigo que vivo en una gran ziudá d’o sieglo XXI, pero a vegadas trobo ista mena de cosas por as carreras. Isto que veyetz ye un “mupi” d’istos que s’emplegan para amostrar publicidat y tamién iniciativas y actividatz d’o concello, como en iste caso, a on s’amostraba o cartel d’o ZORGULLO 2016, que dende o zaguer viernes se puede veyer por a ziudá, en mupis como istos, en escusaus publicos y en o transporte publico, un cartel que nos combida a festeyar o Arguello LGBTIQ+, iste 28 de Chunio a las 20h en a Plaza San Miguel.

A bella persona no le ha feito guaire goy istas fatezas de la libertat d’expresión,d’a libertat sexual y o amor libre y pilló un spray y fació isto que veyetz.

Isto ye LGBTQI+homofobia, una muestra mas y que cada díya,tanimientres por un costau en a sociedat somos por fin integaus (alto u baixo), por atro costau, a chent que ye en contra quiere imposar a suya opinión y de traza cada vegada pior. No cal que tos recuerde lo que ha pasau en Orlando, pero no sólo ye isto, cada diya bi ha más agresions verbals y fisicas, en os treballos y más que más en a escuela y en o esporte, a on la quimera y la fobia a lo esferent reinan. Por qué tanto odio?

Por iso me carranyo con isa chent que diz que no cal que bi haiga un dia d’o Arguello Gay y que por qué no bi’n ha atro ta heteros…”no lo amenistatz, ya tenetz o matrimonio y adopción..que mas queretz? Ya con frases como istas queda platero que se amenista encara iste diya, pero aun mas platero tras esferras como Orlando. Istas xoyas verbals…a la altaria de “no, si yo rispeto muito a los gays, tiengo muitos amigos asinas” (wtf?). Es el “si,pero…” lo que se conoixe como homofobia liberal, que nos tolera (como si ixo nos importara cosa..) pero quiere que estemos quietecicos y sin tartir..y una guenya! En fin…hipocresías…Por ixo ye important diyas asinas, ta remerar a la chent que encara bi ha treballo que fer y más que más educar a os ninos dende bien chicorrons en o rispeto enta o diversidat…nunca no se sabe qui de gran puede fer una esferra como la d’o bar Pulse, porque ha creixiu en o odio, a quimera y a ignorancia.

Me feria goyo rematar o articlo con a canta d’Alaska…A QUIÉN LE IMPORTA LO QUE YO HAGA? A QUIÉN LE IMPORTA LO QUE YO DIGA? YO SOY ASÍ Y ASÍ SEGUIRÉ..NUNCA CAMBIARÉ…y en vez d’ixe NO! que han meso en o cartel, yo digo SI! Si a la libertat y a o amor y entalto o coleutivo LGBTIQ+

Nos veyemos en Plaza San Miguel o 28 de Chunio a las 20. No tos ixublidetz!

cartel

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

w

Conectando a %s